- 183 -

1352. Jan. 31. Liegnitz.

Schuldverschreibung Herzog Wenzels über 130 Schock Groschen, die der Rath von Liegnitz an Joel Simonis von Prag für ihn bezahlt hat.

Wir Wencelaw der erste von gotis gnaden herczoge in Slezien vnd herre czu Legnicz bekennen offinbar an dysem briue, daz wir vorsaczt haben vnse getruwen vnsen burgermeyster vnd vnse ratlute czu Legnicz vor hundirt schok vnd vor drisik schok groschen gegen Joyl Symonis von Praga, vnd sy haben ym gelobet, daz sy daz selbe gelt ym leysten sullen halp uf sente Michils tag, der neste kvmt, vnd halp uf sente Walpurgis tag dor noch den nesten vnd dor vmme habe wir gelobet den selben burgermeyster vnd ratlüten, dy nu sint, adir czu der czyt werden, in gutir meynunge ane alles ark, daz wir sy losen sollen vnde wollen dez selben geldes uf dy vorbenanten tage vngehindirt vnd gar ane allen schaden vnd der rede czu gedenkene habe wir dysen brif heysen gebin vnd vorsigiln mit vnsem ingesigil. Gegebin czu Legnicz an dem nesten dinstage vor vnsir vrowen tage lichtewye noch gotis geburt driczenhundirt iar in dem czwey vnd fumfczegisten iare.

O. d. St. L. No. 76. Das Siegel fehlt.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866